القراقيش

القراقيش حلى بشهي صحيح هو محلى بالقطر بس نحنا بنقدر نتحكم بكمية القطر اللي بنحطها واليوم  عملتلكم الوصفه بالفرن بدون قلي.. يعني اذا بتنتبهوا لكمية القطر بكونوا خفاف عليكم

المقادير:

• 2 كوب طحين اسمر
• 2 كوب طحين ابيض
• رشة ملح
• ملعقه صغيره خميره
• ربع كوب سكر
• نص كوب زيت نباتي
• نص كوب زيت زيتون
• 2 ملعقه كبيره يانسون حب
• كوب ماي مغلي
• ملعقه كبيره يانسون مطحون
• ملعقه كبيره شومر مطحون
• 2 ملعقه كبيره سمسم غير محمص
• 2 ملعقه كبيره قزحه (حبة البركه)

*اول شي ننقع اليانسون بالماء المغلي ونتركه حتى يفتر

*نخلط كل المواد الجافه مع بعض ثم نضيف الزيت وخليط اليانسون والماء

*نعجن حتى نحصل على عجينه متماسكه، نغطيها ونتركها ساعه ترتاح

*بعد الساعه نقسم العجين الى 4 اقسام، ناخد نفسم ونرقه حتى يصير رقيق كتير

*بالسكين او قطاعة البيتزا نقسم العجين اللي رقيناه الى مربعات صغيره بالحجم اللي بتحبوه

*نضعهم على صينية الخبز ونخبزها بالفرن حتى تصبح ذهبية اللون

*ممكن اضافة القطر عليها وهي في صينية الخبز او بنسقطها في القطر وبنصفيهم وبنشيلهم

*الف صحه وهنا