هاي الحشوه من الثوابت على سفرتي برمضان من عشر سنين ولو شي يوم قررت اعملها بغير رمضان بفوتوا ولادي عالبيت بقولولي البيت ريحته رمضان :)
الاساس فيها بطاطا وعدس وبهارات الكاري
المقادير:
- حبة بصل كبيره
- ملعقه كبيره زنجبيل مبشور اومقطع ناعم
- 2 بطاطا متوسطه
- 3/4 كوب عدس بني
- 2 حبه جزر
- 1/2 كوب بازيلا
- ملعقه كبيره بهارات الكاري
- 1/2 كوب ماء
*اول شي بنسلق العدس واول ما يغلي بحطله ملعقه كمون وبغطيه وبطفي النار وبتركه ليبرد.. هيك العدس بكون 90 بالميه مستوي
*هلا بنحضر الحشوه.. اول شي بنقلب البصله وبنحط عليها الزنجبيل المبشور او المقطع ناعم والبطاطا المقطعه مكعبات
*بنغطيهم وبنتركهم شوي
*بنزيد عليهم الجزر المقطع مكعبات صغيره والبازيلا وبهارات الكاري وبنقلبهم شوي بعدين بنضيف العدس اللي سلقناه بالاول
*هلا بنضيف الماء وبنغطي الطنجره حتى يكمل العدس والبطاطا السوا ويشربوا كل السوائل
*بس يبرد بتكون الحشوه جاهزه انه نحشي فيها السمبوسك
